Situatë e paprecedentë u regjistruar në minutën e 71-të, ku pas golit të shënuar nga Greqia, ndeshja u ndërpre për disa minuta, për shkak të sulmeve aspak të hijshme të tifozëve grekë ndaj atyre të Kosovës, teksa disa prej tyre u futën në fushë, në momentin e realizimit.
Vendasit kanë lëshuar sende të forta dhe flakadanë, në tribunën ku ishin të vendosur “Dardanët”, teksa ky fakt ka irrituar tej mase futbollistët dhe stafin teknik të Kosovës.
Teksa gjyqtari vendosi që ndeshja të ndërpritej për disa minuta deri sa situata u qetësua, në fushë shiheshin futbollistët e Kosovës, që diskutonin më gjyqtarin dhe zyrtarët e tjerë.
”Ky është futboll jo luftë. Nëse duhet ta ndalojmë këtë ndeshje, duhet ta ndalojmë këtë m*t ndeshje.” dëgjohen fjalët e Muriqit, teksa evidenton sulmet e tifozëve.
Gjatë gjithë takimit ka pasur thirrje të koreve raciste të tifozëve grekë të cilët edhe kanë hedhur sende në fushë. Për më tepër shikoni videot:
Arena e Lajmit
Loading…
and then