I gjithë vendi u trondit dje nga një sulm i paprecedentë që ndodhi mbrëmë në Gramsh, ku dy rusë sulmuan me lëndë kimike dy ushtarë. Këta të fundit, Aldo Bici dhe Ardian Caka mbetën të plagosur në zonën e fytyrës, ndërsa fill pas ngjarjes u transportuan në spitalin e Gramshit ku iu dha ndihma e parë mjekësore.
Fill pas ndihmës së parë, ata u dërguan me urgjencë drejt spitalit në kryeqytet për ndihmë më të specializuar mjekësore. Ministria e Shëndetësisë dhe Mbrojtjes Sociale informon se dy ushtarakët e lënduar në Uzinën e Gramshit janë në gjendje të stabilizuar në Pavionin e Toksikologjisë në Qendrën Spitalore Universitare “Nënë Tereza”.
Ekipet e specializuara të Toksikologjisë, Djegie-Plastikës dhe ORL kanë kryer konsultat dhe ekzaminimet e plota për dy ushtarakët e ekspozuar ndaj gazit irritues, konkretisht spray neuroparalizues, të cilët po marrin trajtimin e nevojshëm mjekësor dhe janë në gjendje të qëndrueshme, pa probleme akute të helmimit.
Arena e Lajmit
and then