Qeveria po e organizon profesionin e inxhinierëve në formën e urdhrit profesional me një ligj të veçantë që pritet të shkojë së shpejti në Parlament.
Dy themeluesit e Unionit të Inxhinierëve shqiptarë Dëshira Mena dhe Marjus Heqimaj shprehen njëzëri se projektligji në fjalë nuk i përfaqëson si komunitet dhe është bëre me qëllimin për te monopolizuar vlerën intelektuale te inxhiniereve në duart e një grupimi nen petkun e Këshillit drejtues të urdhrit profesional të Inxhinierëve.
Ata thonë se urdhri nuk përfaqëson mbi 5000 inxhinierë e për më tepër nuk mund të aplikohet për shkak të absurditeteve që mbart, pasi thonë se do të krijohet konkurrencë në projekte, e askush nuk do t’i mbrojë nga konflikti i interesit. Inxhinierët janë shpresëplotë se ligjvënësit do reflektojnë dhe nuk do ta miratojnë urdhrin profesional te inxhiniereve pasi profesioni i tyre thonë se është i rregulluar në vendin tonë.
Iniciativa e dy inxhinierëve Marjus Heqimaj dhe Deshira Mena ka grumbulluar më shumë se 2700 firma online nga komuniteti i inxhinierëve që kundërshtojnë këtë urdhër. Projektligji pritet të shqyrtohet në Komisionin për Veprimtarinë Prodhuese, Tregtinë dhe Mjedisin. Për themeluesit e unionit të inxhinierëve shqiptarë, qëllimi i vetëm i urdhrit është për të uzurpuar dhe për të kapur një nga fushat e ekonomisë, ndërtimin.
and then