ELBASAN
Detaje të reja nga arrestimi i 18-vjeçarit Horgito Peqini, autori i dyshuar i vrasjes së 33-vjeçarit Madrit Ulqinaku, ngjarje e ndodhur mbrëmjen e 17 gushtit në Elbasan.
Burime nga policia bënë me dije për “BalkanWeb” se Peqini është arrestuar jashtë territorit ku shtrihet Qarku Elbasan.
Dyshohet se pas krimit fillimisht ishte strehuar në periferi të Elbasanit i ndihmuar nga dy persona me banim në Elbasan, teksa 18-vjeçari kishte gati planin për t’u larguar jashtë Shqipërisë.
Bashkë me të u shoqërua edhe një shtetas me inicialet K.S., 33 vjeç që ishte bashkë me autorin e vrasjes.