Leonardo DiCaprio dhe Gigi Hadid: Si nisi gjithçka me tyre?

Më parë ishte vetëm një thashethem, tani është një fakt: Gigi Hadid dhe Leonardo DiCaprio janë në lidhje.

Çifti i ri është konfirmuar, pak ditë më parë, kur janë fotografuar në një restorant në Nju Jorkut, duke biseduar në një mënyrë mjaft intime.

Por si lindi ky çift? 

Mesa duket dëshira ka qenë fillimisht e aktorit, i cili ka bërë përpjekje për të arritur në kontakt me modelen. Edhe pse sapo ishte ndarë nga, Camila Morrone, DiCaprio nuk humbi kohë dhe u kërkoi miqve të përbashkët të organizonin disa dalje në grup, në mënyrë që të kalonte pak kohë me Gigi Hadid.

Ndjenja – siç thanë burime pranë çiftit – nisi menjëherë dhe të dy kishin filluar të pëlqeheshin mjaft shpesh. Një fillim përrallor me përjashtim të një aspekti të vogël: ish-engjëlli i Victoria’s Secret nuk është aspak e interesuar të ketë një histori serioze, përkundrazi dëshiron të argëtohet pasi ka lënë pas historinë e gjatë dhe të trazuar me Zayn Malik.

Nga ana tjetër, Leonardo dëshiron krejtësisht të kundërtën- pra diçka serioze- dhe disa miqve u tha disa miqve se Gigi mund të jetë gruaja që mund ta bindë atë të ketë një lidhje vërtet të qëndrueshme.

Në fakt, aktori është lodhur me të gjithë që flasin për të si një Piter Pan i përjetshëm, i cili nuk mund të shoqërohet me femra mbi 25 vjeç, kur ndihet i gatshëm të ketë një histori dashurie shumë më solide. Pikërisht për këtë, ai beson se modelja mund të jetë e duhura: përveçse ka një vizion shumë të ngjashëm për jetën, e tërheq shumë fakti që Gigi tashmë ka një vajzë dhe se ajo është shumë e suksesshme në punën e saj si modele dhe si sipërmarrëse, duke treguar se ka ide shumë të qarta për të ardhmen e tij.

Ata që janë të përfshirë drejtpërdrejt nuk kanë komentuar. I vetmi që ka thënë disa fjalë për këtë çift të ri është babai i Gigi-t, Mohamed Hadid.

“E takova Leon – shpjegoi ai në një intervistë të fundit – katër ose pesë vjet më parë në Saint Tropez. Unë e shoh atë një djalë vërtet të mirë. Gigi dhe Leo janë parë në raste të tjera, kështu që nuk mendoj se janë në lidhje, por janë thjesht miq të mirë. Në çdo rast, nuk do të komentoj kurrë marrëdhëniet personale të vajzës sime. Nuk do ta tregoj kurrë se te kush shkon.”

Duket se kjo është fraza klasike që konfirmon se lidhja ekziston dhe ka marrë edhe miratimin e Hadid. Ndoshta, kjo mund të jetë pikërisht ajo që e bën Gigi-n të ndryshojë mendje dhe ta shtyjë atë të mendojë të ketë një histori dashurie me aktorin. Ndoshta!