Partizani dhe Laçi kanë njohur dje kundërshtarët e tyre në turin e parë të Ligës së Konferencës. Por sot në Nion të Zvicrës u mësuan edhe kundërshtarët e turit të dytë të turneut, ndërsa në garë hyn edhe Vllaznia e cila e nis nga ky tur.
Në shortin që u hodh në Nion, ishte edhe Tirana, pasi në rast eliminimi në turin e parë të Ligës së Kampioneve, kalon në turneun e tretë për nga rëndësia në Europë. nwse eliminohen nw Champions, bardheblutë do tw ndeshen me humbësen e çiftit Zrinjski-Sherif Tiraspol.
Vllaznia nuk ka pasur një short të lehtë, edhe për faktin se e ka nisur nga vazo e ekipeve të dobëta në turin e dytë. Përballë saj do të jetë Universitatea Krajova, një skuadër që do të kërkojë hakmarrje ndaj shqiptarëve pasi u eliminua në sezonin e kaluar nga Laçi.
Rumunët janë kundërshtarë të mundshëm edhe të Partizanit, pasi nëse kalon turin do të ndeshet me Steaua Bukuresht. Kurse Laçi ka në teori një short më të lehtë, pasi përballet me fituesen e çiftit të turit të parë mes Floriana të Maltës dhe Petrokub Hinçeshti të Moldavisë.
SHORTI I SKUADRAVE SHQIPTARE
La Fiorita/Inter D’Eskaldes – Ballkani/Zalgiris
Dudelanzh/Tirana – Zrinjski/Sherif Tiraspol
Tobol/Ferencvarosh – Shkupi/Linkoln Red Imps
Breidablik/Santa Koloma – Buduçnost/Llapi
Floriana/Petrokub – Laçi/Iskra
Vllaznia – Universitatea Krajova
Valmiera – Shkëndija/Ararat Jerevan
Saburtalo/Partizani – FCSB
Liepaja/Gjilani – Jang Bojs
Antverp – Inter Turku/Drita
REZULTATI I SHORTIT
NDARJET NË MINIGRUPE PARA SHORTIT
Arena e Lajmit
Loading…