Kthesë në hetimet për vrasjen e Shefki Kurtit, shtetasit shqiptar 72-vjeçar me banim në Badia Polesine (Rovigo), trupi i të cilit i prerë në copa u gjet në ujërat e lumit Adigetto.
Gruaja e viktimës, Nadire Kurti, e arrestuar nga karabinierët, dyshohet se ka pranuar krimin. Pjesët e kufomës së 72-vjeçarit, të copëtuara dhe të vendosura në qese plastike, përveç kafkës, ishin nxjerrë në një kanal midis 28 dhe 30 korrikut.
Sipas raportimeve të karabinierëve, të cilët zbatuan urdhrin e sigurisë ndaj saj të shtunën, gruaja tashmë ruhet në repartin e psikiatrisë në spitalin e Rovigos. Prokuroria e Rovigos do të organizojë edhe disa kontrolle për të konstatuar gjendjen e saj mendore. Kanë qenë familja e Kurtit – çifti ka dy fëmijë të rritur – që ka zyrtarizuar denoncimin e zhdukjes të dielën e 24 korrikut, ditën kur u raportua për një sherr mes burrit dhe gruas së tij.
70-vjeçarja sipas mediave italiane ka rrëfyer vrasjen. Trupi i masakruar Shefki Kurtit u gjet në ditë të ndryshme: fillimisht u zbulua një këmbë, më pas kraharori dhe krahët; dhe në fund këmba tjetër. Ndërsa kafka e tij ende nuk është gjetur.
and then