Transferimi i Renato Sançez te Milani duket se është një pistë që po vështirësohet gjithmonë e më shumë ditë pas dite, me portugezin që për momentin duket se është më pranë një transferimi te PSG-ja. Milani ndërkohë po merr masat për alternativat e tij, ku në listën e Maldinit është vendosur dhe mesfushori i Romës, Xhordan Veretut.
Sipas raportimeve nga “Corriere dello Sport”, francezi duket të jetë jashtë planeve të teknikut Zhoze Murinjo për sezonin e ardhshëm, me Romën që e ka vendosur në merkato dhe pret oferta për të. Milani nga ana tjetër duke parë edhe karakteristikat e mesfushorit do të ishte i gatshëm të bënte një ofertë për ta vendosur në urdhrat e Stefano Piolit.
Ideja e kuqezinjve për momentin do të ishte ajo e një huazimi me të drejtë blerje që, e cila mbetet për t’u negociuar me Romën që do të përfitojë disa miliona nga shitja e 29-vjeçarit.
Arena e Lajmit
Loading…
