Gati për raundin e dytë.
Çifti i saporibashkuae Sylvester Stallone dhe Jennifer Flavin u panë shumë të dashuruar gjatë një ‘date’ në New York.
Ylli i “Rocky”, 76 vjeç dhe ish-modelja, 54 vjeç, u fotografuan duke u larguar nga restoranti i Ralph Lauren, The Polo Bar të enjten, duke ecur krah për krahu dhe buzëqeshje në fytyrat e tyre.
Stallone ishte veshur me një kostum blu dhe Flavin u shfaq elegante me një fustan të zi me taka dhe një çantë.
‘Page Six’ raportoi në fund të shtatorit se ylli i “Rambo” dhe themeluesja e ‘Serious Skincare’ ishin ribashkuar pas një ndarje të shkurtër.
“Ata vendosën të takoheshin përsëri në shtëpi, ku biseduan dhe ishin në gjendje të zgjidhnin problemet e tyre,” tha përfaqësuesi i Stallone në atë kohë. “Ata të dy janë jashtëzakonisht të lumtur.”
Një muaj më parë, Flavin bëri kërkesë për divorc, duke deklaruar në dokumentet gjyqësore se martesa e saj 25-vjeçare ishte “shkëputur në mënyrë të pakthyeshme”.
Thashethemet u shfaqën në atë kohë se dyshja kishin hyrë në një grindje të madhe për blerjen e qenit të ri të aktorit.
Më vonë, Stallone i mohoi këto pretendime, duke i thënë TMZ, “Ne nuk e përfunduam marrëdhënien për një debat kaq të parëndësishëm”, megjithëse ai pranoi se ata nuk ishin dakord se “si të kujdeseshin për qenin”, duke qenë se ata shpesh udhëtojnë dhe jetojnë në dy shtëpi.
Ata më pas ndërmorën veprime që dukej se tregonin se ndarja do të ishte e përhershme. Flavin u pa pa unazën e saj të martesës dhe Stallone mbuloi dy tatuazhe që kishte bërë për nder të gruas së tij.
Megjithatë, rreth një javë më vonë, ylli i “Expendables” la të kuptohet se një pajtim ishte afër, pasi ai postoi një fotografi të tij dhe Flavin së bashku në Instagramin e tij.
Stallone dhe Flavin janë martuar që nga maji 1997. Ata kanë tre vajza: Sophia, Sistine dhe Scarlet, 20.
and then