Arsen Muskurti do të vijojë të qëndrojë në burg pa afat teksa pret gjykimin për vrasjen e vëllait dhe kunatës së tij, Dritan dhe Nora Muskurti. Gjykata e Apelit ka lënë në fuqi vendimin e shkallës së parë, duke mos pranuar kërkesën e 38-vjeçarit për burg me afat 30 ditë. Ndërkohë avokati ka kërkuar akt ekspertimi për shëndetin mendor.
Gjykata e Apelit Tiranë, informon sa më poshtë:
Në datën 30.08.2022, rreth orës 16:40, policia ka marrë njoftim se në rrugën “Islam Alla”, në qytetin e Tiranës, në ambientet e brendshme të agjencisë së udhëtimeve “Nour Tours”, janë vrarë me armë zjarri dy shtetas, i dyshuar për kryerjen e kësaj vepre penale është shtetasi me iniciale Arsen Muskurti.
Gjykata e Rrethit Gjyqësor Tiranë, ka zhvilluar gjykimin lidhur me vlerësimin e arrestit dhe caktimin e masës së sigurimit “Arrest në burg”, për personin nën hetim Arsen Muskurti, i dyshuar për kryerjen e veprave penale “ Vrasjes për shkak të marrëdhënieve familjare” si dhe “Mbajtja pa leje dhe prodhimi i armëve, armëve shpërthyese dhe i municionit”, të parashikuara nga nenet 79/c dhe 278/1 të Kodit Penal.
Me vendimin nr. 1824 Regj.Them, datë 01.09.2022, Gjykata e Rrethit Gjyqësor Tiranë ka vendosur:
– Vlerësimin si të ligjshëm të arrestit në flagrancë të personit nën hetim Arsen Muskurti
-Caktimin si mase sigurimi ndaj personit nen hetim Arsen Muskurti te masës se sigurimit personal atë “Arrestit ne burg”, te parashikuar nga Neni 238 I K. Pr. Penale.
Çështja në apel u shqyrtua mbi bazën e ankimit të bërë nga personi nën hetim Arsen Muskurti, i cili kërkoi ndryshimin pjesërisht të vendimit, caktimin si masë sigurimi personal atë të “arrestit ne burg”, me afat 30 ditë, me qëllim kryerjen e akt ekspertimit psikologjik për verifikimin e gjendjes së shëndetit mendor.
Në vijim, Gjykata e Apelit Tiranë, e përbërë nga Relator Gjyqtar z. Genti Shala, me vendimin nr, 827 datë 26.09.2022 vendosi:
-Miratimin e vendimit 1824 Akti, datë 01.09.2022 të Gjykatës së Rrethit Gjyqësor Tiranë.
and then