Ka dalë para gjykatës 27-vjeçari shqiptar i cili ekzekutoi me armë zjarri një 44-vjeçar grek, gjatë tentativës për të grabitur në dyqanin që ai punonte, në Selanik. Ngjarja e rëndë ndodhi në 2021, kur shqiptari së bashku me një grek, shkuan për të grabitur, ku 27-vjeçari u fut brenda dyqanit, ndërsa bashkëpunëtori i tij e priste jashtë për t’u larguar.
Por siç është vërtetuar edhe nga kamerat e sigurisë së biznesit, shqiptari e ka qëlluar atë me plumb në kokë, duke e lënë të vdekur. Në sallën e gjyqit shqiptari ka shprehur pendesë, duke thënë se nuk donte që ta vriste, por vetëm ta trembte.
Ndërkohë dëshmia e nënës së viktimës është rrëqethëse, teksa tregoi se lajmin për vdekjen e të birit të saj të vetëm e mori nga lajmet në radio, ndërsa i drejtohej spitalit ku i thanë se ai po mjekohej.
“Më njoftuan se djali ishte plagosur pas një sherri dhe se po e dërgonin në spital. Rashë përtokë, nuk mund të reagoja. Një fqinj më çoi drejt spitalit ku më thanë se po mjekohej, por ndërsa i kërkova ta hapte radion, dëgjova lajmin se djali im i vetëm kishte ndërruar jetë”, tha ajo mes lotësh.
Shqiptari gjatë seancës së gjyqit, tentonte gjatë gjithë kohës që të mbulonte fytyrën e tij më duar, ndërsa pritet që të jepet vendimi për krimin e rëndë.
and then