“Më kanë sot në Jalë, në shtator në Tiranë”, Meta: Nuk është lëvizje Dhjetori, por më e shpejtë!

Kreu i Partisë së Lirisë, Ilir Meta në një intervistë për ‘News24’  nga Jala është shprehur se akuzat nga ndaj tij për lobim në SHBA janë shpifje.

Ndër të tjera ai ka paralajmëruar lëvizje dhe reagime të shpejta, duke u shprehur se nuk kemi të bëjmë më me një lëvizje Dhjetori dhe se ka të gjitha eksperiencat e duhura për t’u përballur me regjimin.

“Ngjarja për lobimin në SHBA ka dalë si spekulim dhe mashtrim. Mos përmendni emra që nuk janë në dinjitet. Ruani integritetin e audiencës. Këto shpifje janë hedhur nga një revistë e Xhorxh Soros, që bën propagandë. Është një çështje që është vetëm një mashtrim dhe asgjë tjetër, nuk ekziston. Asnjë pseudofakt nuk ka, që nga Amerika deri në Zimbabve që të ketë një shkelje të ligjit nga Meta. Këta që i fabrikojnë këto, ju e dini se si e mori në qafë Bilalin e shkretë, u vesh si gruaja e Bilalit. Këto janë përrallat e Rilindjes që është në përpëlitjet e fundit. Ju them se kjo nuk është më lëvizje dhjetori , tani kam të gjithë eksperiencat e duhura.”, tha ai.

Arena e Lajmit