Redon Mihana vazhdon të mbetet objektiv i Vllaznisë për të përforcuar repartin ofensiv. Sulmuesi që luan në të dy krahët do të shtonte konkurrencën, por pavarësisht dëshirës së tij për t’u bërë pjesë e kuqebluve, në fund është klubi i Apolonisë që vendos. Lojtari me origjinë nga Laçi është nën kontratë me fierakët deri në verën e vitit 2023.
Prej ditësh drejtuesit e Vllaznisë po negociojnë me ata të Apolonisë për të gjetur gjuhën e përbashkët. Nuk përjashtohet mundësia që Mihana të vijë në Shkodër si huazim me të drejtë blerjeje ose klubet të ndajnë pronësinë e kartonit të lojtarit.
Para se ekipi të udhëtonte drejt Austrisë, trajneri Josa e la të hapur mundësinë e përforcimeve vetëm në repartin e sulmit dhe Mihana mund të jetë një opsion i mirë, që do t’u jepte një impuls më tepër shkodranëve. Klubi tentoi edhe sulmuesin nga Tetova, Shefit Shefiti, i cili mbylli sezonin me Renovën në Maqedoninë e Veriut, por nuk arriti ta bindë.
Arena e Lajmit
Loading…