Braziliani Nejmar duket se është shumë pranë largimit nga PSG. Sulmuesi po kërkon një sistemim të ri larg klubit ku nuk shihet më si një yll në qendër të projektit i cili tashmë është fokusuar plotësisht te Kilian Mbape. Një nga destinacionet e tij mund të kishte qenë Liverpuli dhe një treshe sulmi përkrah Salah dhe Nunjez nuk do të ishte aspak keq.
Mediat gjermane kanë bërë të ditur se interesimi i Liverpulit ka qenë konkret dhe është shfrytëzuar mundësia e afrimit të tij në radhët e të kuqve për të përforcuar sulmin e skuadrës pas largimit të Sadio Mane drejt Bajern Mynih. Por “Bild” bën të ditur se gjithçka është ndalur shpejt nga Jurgen Klop.
Burimet raportojnë se trajneri gjerman nuk e shihte sulmuesin brazilian që të përshtatej me stilin dhe sistemin e tij të lojës, ku lojtarëve të repartit të avancuar u kërkohet të bëjnë edhe detyra mbrojtëse apo presing, gjë që ylli brazilian rrallëherë e ka bërë në karrierën e tij. Në këtë mënyrë, është braktisur menjëherë ideja e transferimit të tij në radhët e të kuqve, duke i hapur rrugë skuadrave të tjera angleze të cilat do të ishin të gatshme të bënin sakrifica të rëndësishme ekonomike për lojtarin.
Arena e Lajmit
Loading…
Loading…