Edhe pse temperaturat në kryeqytet në këtë periudhë të vitit, janë tepër të larta, tifozët e Tiranës, e gjejnë gjithmonë mundësinë, pavarësisht çdo peripetsie, për të përkrahur skuadrën e tyre.
FOTO: F.HAZISLLARI
Kampionët në fuqi të Superiores, ishin mysafirë ditën e sotme, në Luksemburg, ku u përballën me Dudelanzh, në sfidën e parë të vlefshme për Champions Ligën, që përfundoi me rezultatin 1-0 në favor të vendasve.
Tifozët bardheblu, të cilët nuk patën mundësinë për të udhëtuar në këtë transfertë, u organizuan së bashku, në sheshin përballët stadiumit “Selman Stërmasi”, ku ndoqën nëpërmjet një monitori gjigant, duelin e skuadrës së tyre të zemrës.
Rezultati dhe regjia luksemburgase, lanë për të dëshiruar, por në kampin bardheblu janë optimist, se skuadra e Orges Shehit, i ka të gjitha shanset për të përmbysur disavantazhin në përballjen e kthimit.
Arena e Lajmit
Loading…
Loading…