Drejtuesit e Interit “fërkojnë duart”, Monza arrin akordin me zikaltërit për sulmuesin italian dhe “hap derën” për… Dibalën

Monza e Silvio Berluskonit duket e pandalshme në këtë merkato me klubin italian që duket se ka arritur akordin me Interin për transferimin e sulmuesit italian, Andrea Pinamonti.

Sipas raportimeve nga ‘Sport Italia”, mes klubeve ka pasur kontakte të shtuara në mbrëmjen e djeshme dhe është gjetur dakordësia për një marrëveshje që do të sjellë në arkën e Interin 20 milionë euro nga shitja e kartonit të 23-vjeçarit.

Drejtori sportiv i klubit, Adriano Galiani po punon tashme për të gjetur akordin me lojtarin, ku largimi i tij do t’i hapte kështu derën transferimit të bujshëm të Paolo Dibalës në Milano, me argjentinasin që është në pritje të Interit.

Arena e Lajmit