Aksident i rëndë në Gjirokastër, drejtuesi humb kontrollin e mjetit dhe del nga rruga, plagoset 28-vjeçari dhe pasagjerja

Dy të rinj kanë mbetur të plagosur pas një aksidenti me makinë në aksin rrugor Tepelenë-Gjirokastër, në vendin e quajtur “Mashkullorë”.

Policia bën me dije se shtetasi K. K., rreth 28 vjeç, dyshohet se ka humbur kontrollin mbi drejtimin e mjetit dhe mjeti ka dalë nga rruga.

Për pasojë është dëmtuar vetë ai dhe pasagjerja, shtetasja A. Xh., rreth 22 vjeçe, të cilët u transportuan në spitalin Rajonal Gjirokastër, për të marrë ndihmën mjekësore.

Në vendngjarje ndodhet grupi hetimor dhe po punon për zbardhjen e shkaqeve të aksidentit.