Rëndohet gjendja shëndetësore e shoferit të kryebashkiakut Fredi Kokoneshi, Gazmir Bullarit.
Lajmi është bërë i ditur nga burime për gazetaren Klodiana Lala. Mësohet se shoferi ka marrë plagë në zonën e brinjëve, ndërkohë që po i nënshtrohet një operacioni kirurgjikal.
Po ashtu bëhet e ditur se goditja me thikë i ka prekur stomakun, zorrën e trashë dhe se ka hemorragji të brendshme dhe se aktualisht po merr gjak. Ndërkohë që për shkak se po i nënshtrohet operacionit, nuk mund të bëhet transportimi i tij drejt Tiranës për mjekim të specializuar.
Ndërkohë Kokoneshi ndodhet jashtë rrezikut për jetën, ndërsa autori, Orges Xhelili është arrestuar.
Arena e Lajmit