Në një intervistë të dhënë për Newsmax TV, në emisionin “Wake Up America” Kryeministri i vendit Edi Rama ka folur edhe për agresionin rus në Ukrainë teksa deklaroi se “kjo histori e ka distancuar vendin totalisht nga Rusia dhe se nuk ka asnjë nevojë për gazin rus”.
“Nuk kemi pasur lidhje me Kremlinin qysh në 1960. Por nga ana tjetër kjo histori na distancoi totalisht nga Rusia. Në këto 30 vite demokracie nuk kemi pasur ndonjë president rus në Shqipëri apo anasjellstas dhe nuk na mungon. Nuk varemi nga gazi rus, kemi energjinë tonë, edhe pse kur Zoti lart nuk qan kemi probleme me hidrocentralet. Ky agresion është i gabuar dhe ne qendrojmë me Ukrainën”, tha ai për televizionin amerikan.