Pas eliminimit nga turi i parë i Ligës së Kampioneve, Tirana do të vazhdojë aventurën evropiane në turin e dytë të Ligës së Konferencës.
Rivali i bardhebluve do të jetë klubi kampion i Bosnjes, Zrinjski Mostar, teksa ndeshja e parë do të luhet në Tiranë më 21 korrik. në mbrëmjen e djeshme Zrinjski u eliminua pas humbjes 1-0 në Moldavi ndaj Sherif Tiraspolit, ku luan edhe mesfushori kavajas, Regi Lushkja.
Por kush është Zrinjski?
Klubi përfaqëson qytetin e Mostarit dhe është një prej ekipeve më të mira në Bosnje dhe Hercegovinë gjatë viteve të fundit.
Me shtatë kampionate të fituara, Zrinjski është klubi më i suksesshëm në dy dekadat e fundit në Bosnje. Grupimi i tifozëve të klubit bardhekuq quhet “Ultras Mostar”, teksa u themeluan në vitin 1994.
Vetë Zrinjski u themelua nga të rinjtë kroatë në vitin 1905 dhe është klubi më i vjetër i futbollit në Bosnje.
Pas Luftës së Dytë Botërore, të gjitha klubet që kishin marrë pjesë në ligën kroate të kohës së luftës u ndaluan në Jugosllavi dhe një prej tyre ishte edhe Zrinjski.
Ndalimi zgjati nga viti 1945 deri në 1992.
Klubi u reformua pas pavarësisë së Bosnjë-Hercegovinës në vitin 2005, ku festoi titullin e parë në Premier Ligën boshnjake.
Ish-trajneri i Tiranës, Bllazh Sliçkoviç, është më i suksesshmi në krye të Zrinjskit.
Ai ka fituar dy herë titullin kampion, pikërisht në sezonet 2016-2017 dhe 2017-2018. Sliçkoviç ka qenë pjesë e bardhebluve në vitin 2008, ku drejtoi për një kohë të shkurtër.
Gjithashtu te klubi boshnjak ka qenë trajner në sezonin 2019-2020 edhe një ish-bardheblu si futbollist, Mladen Zizoviç. Ky i fundit ka qenë te Tirana në sezonin 2010-2011, ku fitoi edhe Kupën e Shqipërisë.
Arena e Lajmit
Loading…
Loading…