ZYRTARE/ Ishte pjesë e Partizanit sezonin e kaluar, klubi italian ndërpret bashkëpunimin me futbollistin shqiptar

Dean Liço nuk është më pjesë e Askolit.

Këtë lajm e ka bërë vetë publike klubi i njohur italian me anë të një komunikatë në sajtin e saj zyrtar ku njofton ndërprerjen e bashkëpunimit me 22-vjeçarin që sezonin e kaluar ishte i huazuar te Partizani në Kategorinë Superiore.

“Klubi i Futbollit Askoli komunikon ndërprerjen e bashkëpunimit në mënyrë konsensuale të kontratës me Dean Liçon, futbollist i ditëlindjes ‘2000, i ardhur te bardhezinjtë dy vite më parë dhe sezonin e kaluar nga Partizani.

Trekuartisti shqiptar mbyll aventurën e tij me skuadrën e Askolit me tre prezenca në sezonin 2020/2021. Klubi bardhezi i uron Deanit të gjithë të mirat!”, shkruhej në komunikatë.

Më parë Liço ka qenë pjesë edhe e Lacio U-19, Leganes B, Sporting Lisbonë B dhe Skënderbeu U-17.

#CALCIOMERCATO: RISOLUZIONE CONTRATTUALE PER LICO.
L’Ascoli Calcio 1898 FC S.p.A. comunica la risoluzione consensuale del contratto con Dean Lico, classe 2000, arrivato in bianconero due anni fa.
Scopri di più: https://t.co/jnSNXYKJum#AscoliCalcio #ScorreNelSangue pic.twitter.com/GSYlmBJsf3

— Ascoli Calcio 1898 FC SpA (@ascolicalciofc) July 13, 2022

– Arena e Lajmit