Milani po bëhet gati për sezonin e ri, me kampionët e Italisë që së fundmi kanë prezantuar uniformën e tyre të parë për sezonin e ardhshëm. Gjithashtu mediat kanë zbuluar dhe konceptet e kuqezinjve për fanellën e dytë dhe të tretë.
Uniforma e dytë pritet të jetë e bardhë me krahët që do të mbulohen nga e zeza dhe e kuqja, një tjetër klasike e Milanit.
Ndërsa uniforma e tretë pritet të jetë një ris nga “Puma”. Me kampionët e Italisë që pritet të veshin një fanellë e cila vjen në ngjyrë jeshile mat të errët.
Por duket se kjo gjë ka thyer rregulloren e vendosur nga Seria A që do të hyjë në fuqi këtë sezon. Asnjë skuadër nuk do të lejohet të luajë me fanellë jeshile të çdo lloji, përveç se në rastin kur ajo është uniforma e parë, ku hyn vetëm Sasuolo.
Ky rregull ka ardhur nga televizionet që kanë të drejtat e transmetimit, pasi theksojnë se lojtarët nuk dallohen mirë nga fusha e lojës, gjë që është e vështirë për t’u parë në TV, bën me dije “Goal”.
Kjo do të thotë që kampionët e Italisë do të jenë të detyruar të ndryshojnë ngjyrën e uniformës, ose do të mund ta përdorin vetëm në sfidat europiane që Milani do të luajë.
Arena e Lajmit
Loading…
Loading…
and then