Si të Përdorni Xhenxheflin Kundër Problemeve të Lëkurës

Përveç përdorimit në kuzhinë dhe të vlerave për shëndetin, xhenxhefili mund të shfrytëzohet edhe për bukurinë e lëkurës.

Xhenxhefili është një zhardhok i rëndësishëm për shëndetin e lëkurës.

Ky produkt organik mund të përdoret në shumë maska për fytyrën.

Ai përmban vajra esencialë, amino acide, vitaminat C, B1, B2, A dhe mineralet si kalçiumi, hekuri, magnezi, fosfor, kalium, sodium, zink e të tjerë.

Për fytyrat me yndyrë: Xhenxhefili ndihmon në fshirjen e shkëlqimit të tepërt, pastrimin e poreve dhe largimin e puçrave.

Për fytyrat e ndjeshme: Maska e mbron atë nga ndikimi i motit, largon skuqjet dhe i jep asaj shkëlqim dhe freski.

Për fytyrat normale dhe të thata: Maska me xhenxhefil e gjallëron lëkurën dhe i jep asaj freski.

Grijeni xhenxhefilin dhe përdorni një lugë gjelle me grimca të vogla.

Lërini ato në në një sasi prej 250 ml ujë. Më pas lyejeni fytyrën me pambuk dhe mbajeni gjatë gjithë natës.

Përzieni një lugë gjelle me xhenxhefil të grirë me një lugë gjelle me vaj ulliri.

Vendoseni maskën dhe mbajeni për 20 minuta e më pas shpërlajeni me ujë të ngrohtë.

Kjo maskë mund të aplikohet deri në 2 herë në javë dhe është e përshtatshme për të gjitha lëkurat.

Përzieni 40 gramë mjaltë me një majë luge çaji xhenxhefil pluhur.

Pasi t’i keni përzier mirë, vendoseni maskën në fytyrë dhe qafë dhe mbajeni për 15 minuta.

Më pas, lajeni fytyrën me ujë të ftohtë.

Kjo maskë përmirëson qarkullimin e gjakut dhe zbut rrudhat.

Ajo mund të aplikohet dy herë në javë.

Përzieni 20 gramë xhenxhefil të grirë, 15 ml lëng të freskët limoni, një lugë çaji me vaj ullirir dhe 10 mililitra kos.

Më pas, maskën vendoseni në fytyrë dhe në qafë dhe mbajeni për 10 minuta.

Lajeni me ujë të ngrohtë.

Maskat me xhenxhefil janë shumë të mira veçanërisht kundër akneve.

Ndjesia që merrni është ajo e një fytyrë të pastër, elastike dhe të freskët.

Xhenxhefili mund të jetë irritues për disa lëkura dhe mund të shkaktojë ndjeshmëri ndaj dritës së diellit.

Ai mund të shkaktojë reagime alergjike.

Xhenxhefili është shumë i fuqishëm. Nëse përdorni xhenxhefil pluhur rekomandohet të përdorni një majë luge për çdo lugë gjelle me xhenxhefil të freskët. /AgroWeb.org