PSG ka luajtur sot ndeshjen e parë të fazës përgatitore duke zbritur në fushë kundër ekipit të Kevili-Rouen Metropol, i cili luan në Ligën 2. Ekipi i drejtuar nga Kristof Galtie ka fituar me shifrat 2-0 këtë sfidë ku ka aktivizuar dy formacione të ndryshme në secilën pjesë loje.
Sigurisht, mungonin ende lojtarë që nuk janë gati të luajnë pasi sapo kanë nisur fazën përgatitore, por në formacionin titullar të sfidës kishte emra të njohur si Donaruma, Ramos, Markinjos, Bernat, Mesi apo Ikardi.
Ishte pikërisht Mesi ai i cili fitoi penallti në fundin e pjesës së parë dhe të cilën e transformoi në gol Serxhio Ramos, duke u bërë kështu i pari që realizonte për këtë edicion për parisienët. Në pjesën e dytë ishte i riu Gasama ai i cili realizoi golin e dytë.
Arena e Lajmit
Loading…
Loading…
and then