Kristiano Ronaldo ka bërë prapakthehu, të paktën përkohësisht, teksa ka udhëtuar drejt Mançesterit sot për t’u paraqitur në stërvitje me Junajtid. Futbollist portugez kërkon që të largohet nga “djajtë e kuq” dhe pritet që fillimisht të ulet për bisedime me drejtuesit e klubit dhe trajnerin Erik Ten Hag.
“The Athletic” bën të ditur se Ronaldo vazhdon të jetë i idesë për t’u larguar nga Mançesteri, me qëllim që të shkojë në një klub ku mund të luajë në Ligën e Kampioneve. Por thuajse çdo skuadër që është përfolur si destinacioni i tij i mundshëm, është tërhequr dhe duket se ai nuk ka më opsione për të zgjedhur. Nga ana tjetër, Mançester Junajtid nuk do ta lërë të largohet por kërkon që të respektojë kontratën, pasi Ten Hag e sheh si pjesë të planeve të tij për këtë edicion.
Ronaldo kishte siguruar lejen për të mos marrë pjesë në turneun në Tajlandë dhe Australi të “djajve të kuq”, por me kthimin mbrapsht të ekipit pas 17 ditësh, edhe atij i është dashur që të udhëtojë drejt Anglisë nga Portugalia ku është stërvitur individualisht në këtë periudhë. Në ditët e fundit u fol për një interesim të Atletiko Madrid për të, por protesta e tifozëve ka bërë që drejtuesi te këtij klubi të hedhin poshtë mundësinë e afrimit të portugezit.
Arena e Lajmit
Loading…
and then