FOTO/ Kastrioti konfirmon stafin e ri, zbulohen kush do të jenë ndihmësit e Emiljano Çelës

Kastrioti vijon përgatitjet për startin e sezonit të ri futbollistik 2022/2023.

Gjatë një njoftimi në profilin e saj të rrjetit social “Facebook” klubi krutan ka prezantuar tre pjestarë që do të jenë pjesë e stafit teknik.

Zv.trajner do të vijojë të jetë Bekim Kuli, teksa trajner i portierëve është emëruar Redjan Baku. Roli i përgatitësit atletik do të mbulohet nga Ervin Baku dhe fizioterapist krahas Ervin Rremës është emëruar Orlando Kastrati, i cili rikthehet sërish te Kastrioti.

NJOFTIMI I PLOTË I KLUBIT TË KASTRIOTIT –

“KS Kastrioti ka kënaqësinë të prezantojë pjesën tjetër të stafit teknik, ku në krah të trajnerit Emiljano Çela, do të vijojë të jetë zv. trajneri Bekim Kuli.

Redjan Baku do të jetë pjesë e stafit teknik në rolin e trajnerit të portierëve, ndërsa përgatitës atletik do të jetë Ervin Baku. Fizioterapist, krahas Ervin Rremës, që ka qenë dhe sezonin e shkuar pjesë e stafit, i shtohet edhe Orlando Kastrati, që rikthehet sërish në skuadër.

KS Kastrioti i uron suksese stafit të ri teknik!”

– Arena e Lajmit