Milan Shkriniar është vetëm njëri prej organikës zikaltër, kontrata e të cilit skadon në 2023. Qershorin e ardhshëm Interi duhet të përgatitet për një revolucion të mundshëm, pasi nëse nuk do të rinovojnë, eksodi do të jetë i pashmangshëm dhe ata që preken do të jenë edhe titullarët.
Për të nisur nga porta, Samir Handanoviç e Aleks Kordaz pritet të lënë skuadrën në qershor, me kapitenin që mund t’i thotë lamtumirë futbollit të luajtur. Mbrojtja do të jetë reparti më i prekur me Shkriniarin dhe De Vrajin që nëse nuk rinovojnë, do të largohen, ashtu si një tjetër lider i dhomave të zhveshjes: Danilo D’Ambrozio.
Darmian e Galjardini përfaqësojnë mesfushën në këtë listë, ndërkohë që emrat janë me peshë edhe në sulm. Romelu Lukaku është i huazuar zyrtarisht për një vit dhe nëse huazimi nuk përsëritet, belgu do të lërë Milanon, i ndjekur nga Xheko që në qershorin e ardhshëm do të jetë 37 vjeç dhe nuk do të sigurojë dot një kontratë të re.
Arena e Lajmit