Mediat italiane dhe ato spanjolle raportojnë se trajneri i “Los Blancos” është i fiksuar pas mesfushorit të Interit dhe kombëtares italiane, Nikolo Barela.
Sipas gazetës spanjolle “Marca”, trajneri Ançeloti e vlerëson me nota maksimale mesfushorin italian. Reali i Madridit i ka dubluar pozicionet e tij në mesfushë, teksa veç Kros, Modriç e Kasemiros ka në përbërje edhe Kamavingën, Tçuomenin dhe Federiko Valverden.
Pavarësisht dublimit të pozicioneve, trajneri italian i kampionëve të Europës do të ishte i gatshëm t’i bënte një vend në formacion mesfushorit zikaltër.
Interi e vlerëson deri në 100 milionë euro xhevahirin e vet. Ndërkaq, Reali propozon një tjetër marrëveshje. Sipas mediave spanjolle klubi kampion në Spanjë ofron kartonin e Marko Asensios që llogaritet në 50 milionë euro si dhe 50 milionë euro të tjera në llogarinë bankare të Interit.
Përgatiti: LEDJO SEFERKOLLI – Arena e Lajmit
and then