Emri i Armando Brojës vazhdon të qarkullojë thuajse çdo ditë në mediat më të njohura sportive në Angli. Sulmuesi i përfaqësueses shqiptare është në pritje të vendimit të Çelsit për këtë sezon, nëse do ta mbajë në radhët e bluve, apo nëse do të kërkojnë një sistemim tjetër. Dhe thuajse çdo ditë, shfaqen hipoteza nga më të ndryshmet.
Sot, në mediat britanike është publikuar hipoteza e një kthimi të bujshëm te Sauthempton, klub ku Broja shpërtheu në skenën e rëndësishme të futbollit britanik duke luajtur rregullisht nën urdhrat e Ralf Hasenhutl. Drejtuesit e kësaj skuadre dhe vetë trajneri nuk e kanë mohuar kurrë se do të dëshironin futbollistin që të kthehej përfundimisht në radhët e tyre dhe sipas gazetarit britanik që merret me merkaton, Din Xhouns, një gjë e tillë është mëse e mundshme.
“Duket se Sauthemptoni do të vuajë edhe këtë vit për gola. Ata mund të kthehen përsëri në garë për Brojën”, tha ai për “GIVEMESPORT”. “E gjithë koha që ai kalon te Çelsi dhe klubet e tjera shohin në drejtim tjetër, rrit besimin se Sauthempton mund të kthehet në garë për Brojën, nuk do ta përjashtoja këtë mundësi”, tha gazetari britanik.
Arena e Lajmit
and then