Hodhi foshnjën në lumin Kir, lihet në burg 32-vjeçarja në Shkodër. Shfaqet në seancë në gjendje të rënduar psikologjike

32-vjeçarja Orjana Gremi që hodhi në lumin Kir foshnjën e saj, ka dalë sot para gjykatës së Shkallës së Parë në Shkodër, ku ndaj saj është caktuar masa ‘arrest me burg’.

E reja, u njoh me akuzat, ndërsa gjyqtar ishte Orgent Nazaj. Avokati Bruno Pepa u thirr nga gjykata për të bërë mbrojtjen e të resë (pjesërisht), ndërsa vetë Gremi nuk ka një përfaqësues ligjor.

Gazetari Senad Nikshiqi tha për “BalkanWeb” se Orjana Gremi jetonte tek daja, në fshatin Golem dhe prej pesë vitesh ishte e punësuar në një fasoneri në Shkodër, duke shtuar se gjendja e saj psikologjike është parë e rënduar, ndërsa rrezikon 25 vite burg ,deri në burgim të përjetshëm.

Arena e Lajmit