Kevin Spacey ka pranuar në mënyrë të diskutueshme çmimin për ‘arritje jetësore’ në ceremoninë e Torinos përpara gjyqit të ri për sulm seksual.
Ylli i filmave falënderoi Muzeun Kombëtar të Kinemasë Italiane ndërsa pranoi çmimin “Stella della Mole” në Torino. Aktori 63 vjeç, tha se ndihej “vërtet i bekuar dhe mirënjohës” që u nderua në ceremoninë, përpara një gjyqi të ri për sulm seksual në qershor. Ai mohon akuzat penale të ngritura kundër tij që do të dëgjohen në një gjyq në Londër në qershor. Kevin i cili ka një sërë akuzash të bëra kundër tij në vazhdën e lëvizjes #MeToo – prezantoi gjithashtu një shfaqje të filmit të tij të vitit 1999.
“Jam vërtet i bekuar, mirënjohës dhe i përulur. Dhe zemra ime është shumë e mbushur sonte ndaj Muzeut Kombëtar të Kinemasë, sepse patën guximin të më ftonin sonte”, tha ai. Aktori i cili xhiroi filmin e tij më të fundit, “The Man Who Drew God” të regjisorit Franco Nero, në Torino – dukej se ishte në gjendje të mirë shpirtërore, duke buzëqeshur ndërsa pranoi çmimin. Fituesi i dyfishtë i çmimit “Oscar” humbi rolin e tij kryesor në serialin Netflix “House of Cards” dhe pa mundësi të tjera të shteroheshin pasi u shfaqën akuzat për abuzim seksual në 2017.
Vendimi për t’i dhënë Spaceyt është pritur me polemika të shumta me aktorin në qendër të disa akuzave për abuzim seksual. Fituesit e mëparshëm të çmimit “Stella della Mole” përfshijnë aktorët Isabella Rossellini dhe Monica Bellucci dhe regjisorin Dario Argento. Pranimi i çmimit nga Kevin vjen disa ditë pasi mohoi shtatë akuza të tjera për sulme seksuale kundër një burri në fillim të viteve 2000 në një gjykatë në Londër.
Spacey u përball me akuza të tjera, pasi kishte mohuar më parë pesë akuza në lidhje me tre burra të tjerë që tani janë në të 30-at dhe 40-at e tyre. Akuzat e reja përfshijnë tre akuza për sjellje të pahijshëm, tre akuza për sulm seksual dhe një akuzë për shkaktimin e një personi për t’u përfshirë në aktivitet seksual pa pëlqim, në data të pacaktuara midis 2001 dhe 2005.
and then