Dy kontrolle në tre ditë në shtëpinë e ish-deputetit të PS Rrahman Rraja në kërkim të nipit të tij, ndaj të cilit është lëshuar urdhër për shoqërim të detyrueshëm për atentatin ndaj ish-prokurorit Arjan Ndoj.
Gazetarja Klodiana Lala raportoi për “BalkanWeb” se tre ditë më parë SPAK ka çuar një urdhër për shoqërimin e detyrueshëm të Ramazan Rrajës në Prokurori për t’u marrë në pyetje si person që ka dijeni për rrethana të hetimit të një çështje.
Siç mësohet nga burime, policia ka shkuar te shtëpia, në të njëjtën vend banon dhe deputeti i PS Rrahman Rraja, por në banesë nuk është gjetur asnjë person dhe aq më pak i kërkuari Ramazan Rrahja.
Ditën e sotme sërish efektivë të policisë kanë shkuar në banesën e tij për të bërë shoqërimin e detyrueshëm të Rrajës, por as sot nuk është gjetur.
Më herët policia kishte shpallur në kërkim Ramazan Rrahjen dhe dy miqtë e tij Alesio Dobrozi dhe Rohan Brahimi të cilët dyshoheshin si persona që mund të kishin dijeni për masakrën te mbikalimi i Fushë Krujës ku u vra Brilant Martinaj, Dikler Vata dhe Besmir Hoxha.
Ramazan Rraja nuk u gjet dhe u shoqërua vetëm disa kohë më vonë teksa ishte kthyer nga Emiratet. U mbajt për disa orë në policinë e Tiranës dhe më pas u la i lirë. Iu kontrollua edhe automjeti i blinduar.
and then