Një 38-vjeçar shqiptar ka rënë në prangat e policisë italiane pasi tentoi që të vriste ish-bashkëshorten e tij. Ngjarja ndodhi dy netë më parë në Romë.
Gjithçka ndodhi jashtë një lokali. Pas një debati, shqiptari, identiteti i të cilit nuk bëhet i ditur, qëlloi me armë zjarri, ndërsa plumbi dëmtoi xhamin e një lokali që fatmirësisht ishte i mbyllur.
Ndërkohë, fill pas ngjarjes, shqiptari bashkë me një tjetër person u arratisën nga vendngjarja. I pari që u ndalua ishte bashkëpunëtori i tij, ndërkohë që shqiptari u arrestua në banesën e tij ku ishte fshehur në një dollap.
Kujtojmë se në vitin 2021 shqiptari ishte arrestuar nga policia pasi akuzohej për keqtrajtim të gruas 40-vjeçare dhe dëmtim të makinës së ish-kunatit të tij.
Arena e Lajmit
and then