Kryeministri Edi Rama është përplasur ashpër sot në Kuvend me deputetët e opozitës teksa diskutohej futja në procedurë votimi e marrëveshjes për projektligjin për Portin e Durrësit.
Pas akuzave të deputetëve demokratëve, Rama ka marrë fjalën duke iu drejtuar atyre si “ca të mbaruar që nuk keni as fe, as atdhe”.
Balkanweb ka zbardhur debatin e kryeministrit me deputetin Dashnor Sula, i cili i ka kujtuar Ramës faktin që ish deputeti i tij Alqi Bllako është rikthyer sot sërish në burg.
Kaq ka mjaftuar që Rama ti thotë Sulës “mos bërtit ti gjel Peqini”.
Edi Rama: Ju jeni ca të mbaruar që nuk keni as fe, as atdhe, as din e as iman sepse çoheni këtu që në pikë të sabahut dhe merrni nëpër gojë e akuzoni për Pazar e akuzoni për aferë një personalitet dhe një kompani nga më të mëdhatë e botës.
Dashnor Sula: Pse qenke me nerva sot, apo se të kanë rikthyer shokun në burg?
Edi Rama: Ja këta jeni ju.
Dashnor Sula: Si s’të vjen turp që përdor këtë fjalor?
Edi Rama: Mos bërtit ti gjel deti i Peqinit sepse ju po të kishit ju fytyrë,
Dashnor Sula: Turp të të vijë, turp që përdor këtë fjalor në Parlament.
Edi Rama: Po të kishit ju din e iman dhe po të kishit fe e atdhe dhe nuk i bënit Shqipërisë ato që i keni bërë.
Dashnor Sula: Çfarë i kemi bërë ne Shqipërisë mo? Ti i ke bërë Shqipërisë atë që nuk ia ka bërë njeri, e ke vjedhur dhe e ke plaçkitur.
Edi Rama: Ju jeni paguar me para ruse për të rrëzuar qeverinë e vendit tuaj. Ju jeni ca bedelë që nuk keni as sy për të parë dhe as veshë për të dëgjuar.
Dashnor Sula: Si nuk të vjen turp për këtë fjalor, je në Parlament këtu.
Edi Rama: Ju mirë që nuk keni ditur gjë se ç’keni bërë, por sot e gjithë ditën nuk dini për çfarë flisni.
and then