Një aksident ka ndodhur pasditen e sotme në qytetin e Lezhës. Gazetari Elidon Ndreka raportoi për “BalkanWeb” se aksidenti ka ndodhur në lagjen “Gurra”, ku janë përfshirë 3 automjete që drejtoheshin nga shtetasit Valentin Doda, Sebastian Pervathi dhe Bardhok Marku.
Nga informacionet paraprake mësohet se ka mbetur i plagosur rëndë Bardhok Marku dhe është dërguar në spitalin e Lezhës.
Policia ndodhet në vendin e ngjarjes dhe ka nisur hetimet.
Informacion paraprak
Në lagjen “Gurra” në qytet Lezhë, janë përplasur 3 automjete.
Si pasojë është dëmtuar drejtuesi i njërit prej automjeteve shtetasi B. M. i cili ndodhet në spital për ndihmë mjekësore, jashtë rrezikut për jetën.
Grupi hetimor në vendngjarje vazhdon veprimet procedurale për zbardhjen e plotë të rrethanave të aksidentit.