Është mbyllur seanca maratonë në Kuvendin e Shqipërisë për diskutimin mbi buxhetin e vitit 2023 dhe paketa fiskale. Projekt-buxheti është miratuar me 76 vota pro, ndërsa 41 deputetë kanë votuar kundër, ndërsa nuk ka pasur asnjë abstenim.
Projektligji për tatimin mbi vlerën e shtuar u miratua me 76 pro e 40 kundër.
Projektligji për procedurat tatimore u miratua me 76 vota pro e 40 kundër.
Prezent në sallë ishin 115 deputetë.
Projektligji për Buxhetin e vitit 2023 u miratua 76 pro e 41 kundër.
Të gjitha projektligjet u miratuan me 76 vota pro, ndërsa buxheti kishte 41 deputetë kundër.
Seanca e Kuvendit ka nisur ditën e djeshme në orën 10:00 dhe vijoji deri në orën 23:00, për të rinisur sot në orën 09:00, e duke u mbyllur në orën 13:55.
Në projektbuxhetin e vitit 2023 të ardhurat parashikohen të arrijnë në 631.7 miliardë lekë, ndërsa shpenzimet do të jenë 687.2 miliardë lekë. Planifikohet që në vitin 2023 rritja ekonomike të jetë 2.6 %, nga 3.7 % që pritet të jetë në këtë vit.
Seanca e djeshme u shoqëruar me debate të shumta e akuza nga opozita në drejtim të maxhorancës për situatën ekonomike dhe se ky buxhet nuk adreson problemet. Ndërkohë kryeministri Edi Rama zgjodhi një gjuhë të ashpër për t’iu përgjigjur.