Me 5 trofe të Ligës së Kampionëve dhe 5 Topa të Artë të fituara, Kristiano Ronaldo padyshim ka lënë gjurmë të përhershme tek Realin i Madridit.
Në një moment kur e ardhmja e yllit portugez nuk është e sigurtë të shumtë janë fansat që kërkojnë kthimin e tij tek “Galaktikët”.
I vetmi që nuk don një rikthim të Ronaldos mesa duket është Florentino Perez.
Presidenti i Real Madridit është shumë i lumtur me performancën e klubit të tij falë metamorfozës së Karim Benzema, dhe një rikthim i Kristianos nuk është me vend.
I pranishëm në Helsinki për të dëshmuar fitoren e ekipit të tij kundër Aintraht Frankfurtit (2-0) të mërkurën gjatë Superkupës së Evropës, Perez iu përgjigj me ironi një mbështetësi që kërkonte kthimin e yllit portugez.
“Përsëri? Ai është 38”, -u shpreh lideri spanjoll.
🎙Real Madrid President Florentino Perez:
“Sign Cristiano? Again? He’s 38 years old.”
(🎥 @AbdulSVSLGS)pic.twitter.com/qfnRAFG3EP
— Transfer News Live (@DeadlineDayLive) August 11, 2022
Kjo përgjigje nuk i ka pëlqyer aspak motrës së Kristiano Ronaldos, e cila ka reaguar e frustruar në Instagram.
“Ai është 38 vjeç, por mund të kërcejë 2 metra lartësi, të qëndrojë në ajër për 3 minuta dhe trupi i tij nuk përmban dhjam. Respekto veten plak, je 75 vjeç”, ka shkruar Katia Aveiro.