Afërisht pesëdhjetë milionë euro. Mi lani ia ka dalë të ulë vlerën e borderosë duke ndihmuar bilancet në mënyrë të ndjeshme. Sponsorët kanë kryer pjesën e misionit dhe jo më kot kampionët në fuqi janë ndër “big”-ët e Italisë me financat më të mira. Shuma që kuqezinjtë shpenzojnë çdo sezon kalon në buxhet si 83 milionë euro pasi përveç rrogave përfshihen edhe taksat.
Në disa raste, “dekreti i rritjes” i mundësuar nga qeveria italiane i ndihmon klubet të kursejnë, e në rastin e “Djallit” kursimi prek rrogat e Zhirusë dhe Ibrahimoviçit.
Pikërisht sulmuesi francez është lojtari më i paguar i organikës së drejtuar nga Stefano Pioli. Rroga e tij nuk lidhet me golat e rëndë të sezonit të kaluar, por duket më se e merituar nëse vlerësojmë impaktin e 35-vjeçarit në fitoren me Napolin apo në përmbysjen e derbit kundër Interit që i orientoi kuqezinjtë drejt titullit.
Pas tij një tjetër francez dhe bëhet fjalë për një lojtar po me aq peshë për ekipin si Teo Hernandez. Podiumi i më të paguarve mbyllet me Ante Rebiçin, teksa pas tij vjen blerja e re, Divok Origi.
Më të varfrit e skuadrës, siç ndodh shpesh, janë të rinjtë. 18-vjeçari Lazetiç përfiton 300 milionë euro në muaj, teksa dyfishin e rrogës së tij e merr Kalulu dhe Mateo Gabia, që paguhen edhe më shumë se Brahim Diazi.
Dy milionë eurot e Ibrës e mbajnë në mesin e renditjes, teksa nga ‘big’-ët e skuadrës më pak i paguari është Rafael Leao, për të cilin klubi ka kohë që punon në mënyrë që t’i përshtatë rrogën me paraqitjet.
Përgatiti: REINOLD BAKALLI – Arena e Lajmit
and then