Nuk duhej të luante për shkak të një dëmtimi në dorë, por Matajs de Ligt jo vetëm ka debutuar me Bajernin, por ka qenë titullar dhe autor i njërit prej golave të bavarezëve në suksesin 7-0 në Bohum.
Pas ndeshjes, mbrojtësi i cili u kushtoi 67 milionë euro kampionëve të Gjermanisë ka folur për suksesin e arritur dhe debutimin e tij me gol.
“Ishte me të vërtetë e pabesueshme sa mirë kemi luajtur në pjesën e parë. Kemi shënuar 5 gola (njëri i anuluar). Ishim të fokusuar maksimalisht.
Jam i lumtur që kam bërë debutimin tim me Bajernin, dhe mbi të gjitha, me gol. Goli? Në momentin që po diskutohej me VAR-in nuk kisha asnjë mëdyshje se ishte gol i rregullt.
Nuk e kuptova se çfarë po ndodhte, pasi nuk bëra asgjë”, tha De Ligt. Më pas, mbrojtësi holandez ka folur dhe për debutimin.
“Çdo lojtar dëshiron të jetë titullar, por unë e kam kuptuar pozicionin tim. Jam i ri në skuadër, erdha nga Juventusi ndërsa Upakemano e Hernandez kanë luajtur mjaft mirë, por tani që jam në formë optimale natyrisht që dua të luaj rregullisht”, ka thënë mbrojtësi holandez.
Arena e Lajmit
and then