Largimi i Kasemiros drejt Junajtidit ka çelur skenarë të rinj në Madrid. Megjithatë, në përgjigje të largimit të brazilianit, Reali ka mundur me lehtësi Selta Vigon 1-4 në “Balaidos”.
Në fushë kundër Seltës ka qenë dhe Eden Hazard, të cilit Ançeloti i rezervoi 10 minutat e fundit kur gjithçka ishte mbyllur. Për fatin e belgut, kapiteni Karim Benzema u tregua mjaft bujar me të duke e lënë të ekzekutojë një penallti pak çaste nga fundi. Por belgu ka dështuar dhe nga pika e bardhë, duke marrë kritika të forta edhe nga Belgjika.
Gazeta “HLN” ka shkruar: “Hazard meriton vetëm heshtje. Që Eden Hazard e nis nga stoli i Realit nuk duhet të jetë më lajm. Nuk ia vlen më ai diskutim”, theksojnë qartë ata.
Arena e Lajmit