Fiorentina ka arritur të gjejë akordin për transferimin e mesfushorit çek, Antonin Barak, i cili pritet të zyrtarizohet në orët në vijim. Kjo lëvizje u duk se i mbylli derën fantazistit të Kombëtares shqiptare, Nedim Bajrami, që prej kohësh ishte në radarët e klubit vjollcë.
Por, në Itali duket se mendojnë ndryshe. Siç raporton “Corriere dello Sport”, Bajrami vazhdon të jetë një nga objektivat kryesorë të Vinçenzo Italianos, i cili do të provojë deri në fund për të arritur te shërbimet e 23-vjeçarit.
Oferta për të pritet të vijë javën tjetër, pranë mbylljes së merkatos, me negociatat që deri tani duken shumë pozitive.
Arena e Lajmit