Ardian Cuculi, ish-mbrojtësi i Partizanit dhe Kukësit në elitën e futbollit shqiptar, rikthehet te Shkëndija. Lajmin e ka konfirmuar vetë 35-vjeçari, nëpërmjet një postimi në faqen zyrtare në “Instagram”.
“Zemra nuk e harroi vendin ku me se miri rrihte”, shkroi mbrojtësi në rrjetin social. Mësohet se Cuculi ka firmosur një kontratë 1-vjeçare, teksa së fundmi ishte pjesë e Dritës së Gjilanit.
View this post on Instagram
Ky pritet të jetë sezoni i fundit në karrierën e qendërmbrojtësit shqiptar, i cili do të synojë fitimin e titullit kampion të Maqedonisë së Veriut. Kjo është hera e tretë që Cuculi do të veshë fanellën e Shkëndijës, teksa në total ka regjistruar 246 paraqitje me kuqezinjtë.
Arena e Lajmit