Partizani kërkon të shtojë alternativat në sulm për të prodhuar sa më shumë konkurrencë.
Pas largimit të Erjon Dragojt, i cili nuk arriti të firmosë një kontratë me të kuqtë, një tjetër sulmues është shfaqur në stërvitje me “demat”.
Siç “Panorama Sport” raportoi një ditë më parë, Arlind Kalaja është stërvitur disa ditë me “demat”, duke krijuar idenë se do ta vijojë në kryeqytet karrierën, pas aventurës në kategorinë e tretë suedeze.
Gjithsesi, burime për gazetën bëjnë me dije se Kalaja dhe Partizani nuk kanë mundur të gjejnë një akord në lidhje me kontratën dhe palët janë ndarë shumë shpejt.
Dje 26-vjeçari është paraqitur në kompleksin e “demave” vetëm për të marrë ato pak sende që kishte lënë dhe më pas është larguar.
Mbetet të shihet nëse Partizani do të vihet në kërkim të një tjetër sulmuesi për të plotësuar ofensivën. Drejtuesit kërkojnë lojtarë si alternativa, jo titullarë.
Arena e Lajmit
LEXO EDHE:
EKSKLUZIVE/ Partizani përforcon repartin e sulmit, te “demat” vjen futbollisti shkodran