Rikardo Kaka është gati për një pankinë. Lajmin e ka dhënë vetë braziliani që në një deklaratë për “ESPN” ka thënë:
“Jam duke përfunduar studimet dhe së shpejti mund të kem një ekip për të trajnuar. Në maj përfundova kursin e Akademisë së Federatës së Brazilit dhe mora licencën A, me të cilën mund të stërvit çdo ekip profesionist në Brazil.
Përpara se të filloj, dua të shijoj Kupën e Botës në Katar, të vëzhgoj dhe të mësoj. Futbolli sot është shumë më ndryshe nga ai që lashë unë. Por kushedi, vitin e ardhshëm mund të jem gati”.
Në fakt, për Kakanë mund të ketë një ekip të moshave të Milanit, pasi klubi dhe ish-fantazisti kanë mbetur gjithmonë të lidhur.
Arena e Lajmit
