Një rastësi e çuditshme është vënë re në shortin e fazës në grupe të Ligës së Kampioneve që u hodh sot në Stamboll. Tre lojtarë të cilët u transferuan me shumë bujë gjatë kësaj vere, do të vihen menjëherë kundër ish-skuadrave të tyre.
I pasi është padyshim Robert Levandovski i cili shkroi historinë te Bajerni me golat e tij,. Sulmuesi u transferua te Barcelona gjatë verës, por goglat e shortit bënë që ai të ketë pikërisht bavarezët si rivalë në grupet e turneut.
E njëjta gjë ndodhi edhe me Erling Haland, i cili la Borusia Dortmund për t’iu bashkuar Mançester Sitit. Tani, sulmuesi norvegjez do të luajë përsëri poshtë “Murit të verdhë” në Dortmund, por si një kundërshtar i skuadrës gjermane.
Ndërkaq, Di Maria mbylli kontratën e tij me PSG-në në këtë verë dhe u transferua si lojtar i lirë te Juventusi. Si për ironi të fatit, shorti i Ligës së Kampioneve vendosi bardhezinjtë si kundërshtarë pikërisht të parisienëve ku ai luajti në 7 vitet e kaluara, por edhe Benfikës ku u bë një emër i njohur në futbollin botëror e siguroi një transferim te Real Madrid.
Arena e Lajmit
and then