Erzeni u nda në një barazim me Kastriotin në transfertë me shifrat 0-0 në javën e dytë të Superiores. në një prononcim për “Oversport”, portieri i shijakasve, Dashamir Xhika, dha opinionin e tij për këtë sfidë, ku u shpall dhe më i miri.
Si ishte ajo pritje? – Ishte një refleks për portierin sepse ishte shumë afër. Por nuk është gol i portierit, gol bën sulmuesi. Unë bëra vetëm detyrën.
4 pikë në dy ndeshje? – Ne mendojmë të japim maksimumin pastaj rezultatin e vendos ndeshja. Dy ndeshje 4 pikë, kemi bërë maksimumin dhe i kemi merituar.
Sa i kënaqur je me 4-shen e mbrojtjes së Erzenit? – Me mbrojtjen jam shumë i kënaqur. Me 4 mbrojtësit shkojmë shumë mirë me njëri-tjetrin dhe këtë e kemi treguar në këto dy ndeshje që nuk kemi pësuar gol.
Objektivat? – Objektivi ynë kryesor është qëndrimi në Superiore. Pastaj për sa i përket objektivave personalë shikohen nga ekipi. Nëse ekipi shkon mirë edhe unë normal që do shkojë mirë.
Arena e Lajmit