“Situata e zymtë ka pllakosur të rinjtë”, deputeti i PD: Në vend nuk funksionon asgjë sepse nuk funksionon liria

Deputeti i PD-së Tritan Shehu deklaroi nga foltorja e parlamentit se në vend nuk funksionon ekonomia dhe se varfëria ka mbuluar vendin me papunësi, ndërsa të rinjtë janë pllakosur nga situata e zymtë.

Shehu tha se njerëzit po braktisin vendin sepse në vend nuk funksionon asgjë, gjë që sipas tij ka ardhur për shkak se liria në vend nuk funksionon.

“Nuk funksionon as ekonomia, varfëria ka mbuluar vendin me papunësi dhe situatën e zymtë që ka pllakosur të rinjtë. I kemi vendosur një mesatare që nuk lejon shumë të rinj që të hyjnë në universitetin shtetëror. Njerëzit po braktisin vendin sepse nuk funksionon asgjë në vend. Pse nuk funksionon asgjë? Shqipëria nuk funksionon sepse liria nuk funksionon, pa liri nuk funksionon asgjë”, tha Shehu.