Belind Këlliçi, deputeti i Partisë Demokratike, kandidat i PD-së, për bashkinë e Tiranës në zgjedhjet e ardhshme lokale ka reaguar në lidhje me debatin për shembjen e pallatit në Kombinat, në kuadër të procesit të rindërtimit.
Përmes një reagimi në ‘Facebook’ Këlliçi thekson se i ka drejtuar kërkesë për informacion institucioneve, Bashkisë Tiranë, OSHEE-së, UKT-së dhe Drejtorisë Vendore të Policisë Tiranë, ku kërkohet projekti për ndërtimin e pallatit.
REAGIMI I KËLLIÇIT
Pas disa situatave që bashkë përjetuam ditënatë me banorët e pallatit nr. 4 në Rr. “Myslym Keta”, i drejtova tani kërkesë për informacion 4 institucioneve, Bashkisë Tiranë, OSHEE-së, UKT-së dhe Drejtorisë Vendore të Policisë Tiranë.
Nënkryebashkiaku Mazniku ishte shumë i zellshëm për të folur me shkresa. Po i përgjigjemi me 4 shkresa bashkë me banorët, për të cilat duam përgjigje.
Duam projektin e ndërtimit të pallatit!
Institucionet që kanë mësyrë në shtëpitë e banorëve, në pronën e tyre, pa asnjë shkresë apo vendim, duke kryer veprime arbitrare dhe të paligjshme, të mbajnë përgjegjësi!
Kush u preu ujin dhe energjinë elektrike i ka prerë vetes biletën për qeli.
I kërkoj Policisë së Shtetit të nisë hetimet për këto veprime arbitrare!