Samir Ujkani ka gjetur skuadrën e re, ose më saktësisht, ka rigjetur skuadrën e vjetër. Portieri i përfaqësueses së Kosovës, i cili ishte lojtar i lirë, ka firmosur për një vit në Serinë A, duke iu bashkuar përsëri klubit të Empolit.
Portieri kishte qenë pjesë e këtij klubi edhe në edicionin e kaluar, duke luajtur në fakt vetëm 90 minuta në Kupën e Italisë, pasi ishte portieri rezervë i toskanëve. Klubi, pjesë e të cilit janë edhe Nedim Bajrami dhe Ardian Ismajli, ka bërë të ditur se edhe kontrata e re e Ujkanit ishte njëvjeçare, deri në verën e vitit 2023, ndërsa do të mbante përsëri numrin 22 në fanellë.
Portieri 34-vjeçar ka një karrierë mjaft të pasur në klube të ndryshme italiane si Palermo, Novara, Kievo, Xhenoa, Latina, Piza, Kremoneze, Torino e së fundmi Empoli. Gardiani i dalë nga akademia e Anderlehtit, ka luajtur edhe me klubin e Rizespor në Turqi.
Arena e Lajmit
and then