Kandidati i PD-së për bashkinë e Tiranës, Belind Këlliçi ka nënshkruar sot një marrëveshje dypalëshe me shoqatën Tirana, për të punuar për zgjedhjet e 14 majit.
Këlliçi ka dhënë premtimin se nëse fiton zgjedhjet për kryebashkiak, shoqata Tirana do jetë pjesë e Këshillit Bashkiak.
REAGIMI I KËLLIÇIT
Sot nënshkrova një marrëveshje dypalëshe mirëkuptimi dhe angazhimi me Shoqatën “Tirana” dhe Kryetarin e saj z. Arben Tafaj, për të punuar së bashku për fitoren e 14 majit.
Jap garanci të plotë se Shoqata “Tirana” do të jetë e përfaqësuar në Këshillin Bashkiak, për të mbrojtur vlerat e gjithanshme intelektuale, kulturore, historike dhe pronësore të qytetarëve të Tiranës.
Shoqata “Tirana” do të mbështesë fushatën #FitojmëTiranën për t’i dhënë kryeqytetit një model të ri administrimi.
Falenderoj për mbështetjen Shoqatën Tirana!
Bashkë #FitojmëTiranën!